Шкул хаçачĕн черетлĕ кăларăмĕ.

Чăваш эрнине халалласа  5-мĕш классем «Калем» ятлă хаçат кăларчĕç. Кунта Иван Яковлевич Яковлев « Халалĕ»  тăрăх çырнă ачасен çĕнĕ шухăшĕсем, сĕнĕвĕсем.

Акă  8-мĕш класра вĕренекен Мельников Влад чăнах та чи пĕчĕк ĕçе тăрăшса тумалла тесе çырать. Александрова Алена чăваш интеллегенцине татах та вăйлăрах курасшăн. Сайкова Мария паянхи пурнăçра уйрăмах пĕр-пĕринпе килĕшÿллĕ пурăнма пĕлмеллине палăртать. Сергеева Елена шухăшĕсем те тарăн: «И.Я.Яковлев çемье пирки питĕ тĕрĕс каланă. Халĕ чылай çемьере харкашу, çураçу çук.Çавăнпа та хамăрăн пулас çемьесене çирĕп тума вĕренмелле. Чăнах та çемье - пурнăç тĕрекĕ». «Халал» пĕтĕмĕшле илсессĕн ачасене тарăн шухăша янă. Вăл хăйĕн пĕлтерĕшне çухатмĕ. Унран вĕренмелли татах та нумай.