Уçă урок

Чăваш чĕлхи эрнинче, ака уйăхĕн 25-мĕшĕнче, 1-мĕш класра «Калаçар-ха чăвашла» темăпа уçă урок пулчĕ. Ăна Ларионова Елизавета Алексеевна ирттерчĕ. Урокăн тĕп тĕллевĕ – ачасене мĕн пĕчĕкрен чăвашла тĕрĕс калаçма вĕрентесси.  Учительница ку тĕллеве пурнăçлас тесе тăрăшни куçкĕретех: ачасем чăвашла тăрăшса, хаваспах  вĕренеççĕ. Кĕçĕн çулхи ачасем тĕрлĕ вăйă урлă хăйсен лайăх пĕлĕвне кăтартрĕç, чăвашла самаях пĕлеççĕ, çырури йăнăшсене те тупаççĕ. Чăваш чĕлхи урокĕнче ачасем хăйсен пуплевне тĕрлĕ енчен аталантарчĕç.